Month: June 2019

A L L E S   E N   N O G   W A T

S A T E R D A G   2 2  J U N I E     2 0 1 9

K E R K N U U S
S O N D A G   2 3  J U N I E   2 0 1 9

Eksodus 3:2:  #Vuur

21 Junie 2019

“Skielik het die engel van God aan hom verskyn in ‘n vlam wat in ‘n bos brand. Moses was verwonderd, want die bos het aanhou brand, maar dit het nie uitgebrand nie.”

Daar is baie gevoelens wat by mens opkom wanneer jy na ‘n vuur staar.  ‘n Kampvuur in die bosveld teen middernag of ‘n kaggelvuur in jou eie huis, gaan jou nie dieselde laat voel nie.

Daar is tye wat ‘n vuur kan woed soos in ‘n bergbrand, maar ook tye wat dit smeul soos met ‘n brand in fynbos.  Daar is tye wat die veld ‘n brand nodig het sodat sade kan oopkraak. Daar is ook tye wat die veld dit nie kan bekostig nie soos tydens ‘n droogte. Eintlik is alle vuur en brande vir ons ‘n geheimenis.

In Eksodus sien ons hoe God hierdie natuurverskynsel gebruik om met Moses te praat. Ook die skielike fenomeen laat hom sy skoene uittrek en sy hoof buig. God se boodskappe aan ons is dikwels ‘n skielike verrassing soos die vuurbos vir Moses was. Ons twyfel dan of dit van Hom kom. Ontsag sal ons egter nader aan sy openbaring bring. Hoe ons ookal God se stem hoor, daar is altyd seën in sy verklarings oor ons lewens. Ons kan luister met die wete dat selfs die vure van ons lewens verkondig sy Naam.

Vrede / Shalom

Psalm 68:3:  #Vuur

20 Junie 2019

“Soos wind rook wegblaas, soos was in vuur smelt, so vergaan die goddeloses voor God. Maar die vromes sal verheug wees, hulle sal bly wees voor God.”

In hierdie lofpsalm oor God se triomf van Berg Sinai tot Berg Sion, hoor ons van die seën van oorwinning. Met trompetgeskal neem Dawid en die volk die Ark na Berg Sion. Dit maak ons bly om te weet dat God sy oorwinningsvuur ook vir ons sal inspan. Hierdie tema van hoe God sy almag sal toon, kom sterk te vore in die Woord.

Onlangs het ek ‘n artikel gedoen oor ‘n ma wie se seun ‘n groot tragedie deur gemaak het en in die intensiewe eenheid beland het. Sy het dikwels sms’e uitgestuur oor hoe ‘n onrustige nag hy gehad het. Daarby egter ook was dikwels foto’s van hom besig om sport te doen. Dit is asof sy aan blydskap oor haar kind se eertydse lewe vasgehou het om haarself te kalmeer.  Dis wat God ook met ons doen. Hy gun ons oorwinningsvreugde as ‘n reserwe vir wanneer ons dit nodig het. God weet ons het vreugde broodnodig.

Toe die ma ‘n paar dae later moedeloos geword het, het vriendinne en skoolmaats foto’s van goeie tye aangestuur. Ek dink dis hoe oorwinning moet werk, met die vreugde in die verlede as aanmoediging vir die hede en met ander wat ons daaraan herinner as ons daarvan vergeet. Dis immers hoe Vader met ons werk.

Vrede / Shalom

2 Petrus 3:7:  #Vuur

19 Junie 2019

“God het presies so – deur sy Woord – beskik dat die hemele en die aarde deur vuur verteer sal word op die dag wat die goddelose mense veroordeel en verdelg sal word.”

Ons leef in hierdie afwagtingstyd tussen die Eerste en die Tweede Koms.  Die afspraak is reeds gemaak. Ons het  die sekere wete Jesus se  Wederkoms is op God se program vir ons lewens.

Daarom kan ons in die lig van Jesus se Tweede Koms lewe en die wete van wederkomsseën geniet.  Dit is ons toegangskaartjie tot God se ewige huis.Hy is self so ernstig oor Jesus se Tweede Koms, dat Hy ons in die Woord daarop voorberei.

In Noag se tyd was die aarde verdelg deur water. Blou op blou. Met die Wederkoms is dit ‘n oordeelsvuur. Rooi op rooi.  As volgelinge van Jesus bly ons die vuur gespaar.  Sy Tweede Koms is eerder ‘n winkende vlam in die donkerte wanneer ons nie weet hoe om te lewe nie.  God se warme deernis deur Jesus is ‘n dubbele porsie bevrydingsgenade.  Dit word ‘n verborge verlange in ons harte, hierdie vlamlig van die Heilige Gees.  Daarom moet ons nie leef asof daar geen Wederkoms gaan wees nie. Ons moet ons voorberei om ook nou deur sy toekomstige teenwoordigheid aangeraak te word.

Vrede / Shalom

G E M E E N S K A P S N U U S
D I N S D A G   1 8   J U N I E   2 0 1 9

W E R K V E R S K A F F I N G
D I N S D A G   1 8   J U N I E    2 0 1 9

Die Werkverskaffingsbulletin word elke Dinsdag om 10h40 uitgesaai op 104fm.

Poste moet asseblief teen Maandae 11:00 gestuur word na reception@104fm.co.za

Jy sal haar herken in die Liewe Elize – rubriek of van haar meer as 40 gepubliseerde boeke óf natuurlik as die nuwe nuusstem in Oggendrooi.

Sy is gebore in Bloemfontein en voltooi haar 12-jaar skoolloopbaan by die Hoër Christelike Meisieskool Oranje waarna sy as verslaggewer by die Transvaler haar skryfpassie begin uitleef. In 1990 verruil sy die Vrystaatlug vir die Kaapsedraai. Nadat sy reeds in 1981 boeke begin skryf het, maak sy haar debuut in 1994. Dit is geen geheim dat sy haar identiteit in die Here vind nie. Rotsvas in haar geloof is sy ook die trotse ma van twee dogters.

Elize Parker beskryf haarself in eenvoud, maar hoe meer jy saam haar tyd spandeer besef jy watste besonderse vrou sy is en hoe sy haar gawe om te skryf, ten goede aanwend. Sy beskou haarself as ‘n Groen-Christen en lewer gereeld verslag oor wildlewe en misdaad. Sy beskryf haar nuwe rol as Nuushoof by Radio Tygerberg 104FM as stimulerend. Met Elize aan die stuur in die Nuuskantoor kan jy verseker wees van die jongste nuus.

As Elize nie skryf nie, bestee sy haar tyd in haar bediening, Tabita (Jesus genees), waar sy op enkelma’s en weduwees fokus. Vir ontspanning gaan stap sy graag in die berge. Haar lewensdroom? Om eendag vir ‘n jaar in Jerusalem by ‘n kinderhuis te werk.

Met ‘n slagspreuk Jesus Genees is Elize iemand wat die Here se heelmaak en genade uitleef.

2 Tessalonisense 1:8:  #Vuur

18 Junie 2019

“In ‘n vlammende vuur sal Hy die mense straf wat God nie ken nie; dit is hulle wat hulle nie gesteur het aan die Goeie Nuus van ons Here Jesus nie.”

Om Jesus te ken, is om God te ontmoet.  Dit is die ware Goeie Nuus. Dat Jesus help dat ons reg kan lewe en hierdie vlammende vuur se oranje gloed waarteen die Woord waarsku, kan vryspring. Die wete dat Jesus God se geliefde Seun is, maak ons ook God se geliefde kinders. Ons het ‘n nuwe hart soos Syne.  Dit is nie genoeg om net ‘n goeie mens te wees nie. Ons moet met die kennis van Jesus as ons Verlosser in ons harte leef.  Ons moet weet Hy is ons ontsnaproete weg van selfvernietigende gedrag, chaos in verhoudinge en diepgewortelde negatiewe patrone.  Hierdie oortuiging moet in ons harte posvat sodat ons gedagtes kan vernuwe.

Soms wil ons eers seker maak dat ons lewe met God reg is voordat ons iets vir die Koninkryk doen.  Dis onnodig. Wanneer die krag van God oor ons kom, verander ons heeltemal. Dan weet ons Jesus het die volle prys aan die kruis betaal.  Die Goeie Nuus word op ons harte geskryf. Ons moet dit net ons eie maak en vir die koninkryk begin werk.  Hierdie vernuwingseën sal ons ‘n verandering van hart en van gedagtes laat ondergaan.  Ons is die oordeel vuur gespaar as ons Jesus se Kruisgawe aanvaar.  Maar dit beteken ons moet glo en gehoorsaam wees. Ons moet bely, bekeer en aanvaar.  God se deernisvolle geskenk in Jesus is toegang tot sy vredesoord en die troos van ewige rus.

Vrede / Shalom

Hebreërs 12:28-29:  #Vuur

17 June 2019

“Laat ons wat ‘n onwankelbare koninkryk ontvang het, dan nou dankbaar wees. Laat ons God dankbaar dien met eerbied en ontsag, soos Hy dit wil, want ons God is ‘n verterende vuur.”

Wat ‘n geskenk om van ons deernisvolle Vader te ontvang! Toegang tot sy onwankelbare koninkryk!  In hierdie wêreld kan als geskud word: ons verhoudings, gesondheid en lewens.

Maar die troos is: Niks kan God skud nie! Hy is onwankelbaar en verander nie.  Hoe dankbaar moet ons wees vir hierdie ewige troos!  En as hy ons toegang gee tot hierdie koninkryk verander Hy ons met sy verlossende vuur. Ons moet  Hom loof omdat Hy skeppend, magtig en regverdig is om juis in te tree en ons te vernuwe met Sy vuur, ‘n vuur wat vernuwing bring.

Die diep oranje vlamme van sy goedheid en krag wat reinig en suiwer.  So ‘n verterende sielsvuur is ‘n openbaring van die Here se mag en juis daarom moet ons met ontsag met hom omgaan.

So dikwels het ons juis vars vuur van die Here nodig. Nié sommer net ‘n enkel vlam nie, maar ‘n vuur wat die onnodige kan wegbrand.  As ons ‘n stryd met gedagtepatrone het is dit die vuur van nuwe denke wat skoonbrand. Hieruit word nuwe gedagtes gebore, God se gedagtes vir ons lewens.  Gewoontes en karaktertrekke word deur God se vuur gesuiwer.  Daarna kan ons meer opregte lewens lééf.  Hy bly ons gunsgenoot, Skepper van suiwer en edel harte.

Vrede / Shalom