Month: September 2019

G E M E E N S K A P S N U U S
D I N S D A G   0 3  S E P T E M B E R   2 0 1 9

W E R K V E R S K A F F I N G
D I N S D A G   0 3  S E P T E M B E R    2 0 1 9

Die Werkverskaffingsbulletin word elke Dinsdag om 10h40 uitgesaai op 104fm.

Poste moet asseblief teen Maandae 11:00 gestuur word na reception@104fm.co.za

3 SEPTEMBER 2019

1 Korintiërs 15:55-57:  #Oorwinning

“Dood, waar is jou oorwinning? Dood, waar is jou angel?  Die angel van die dood is die sonde en die sonde kry sy krag uit die wet van God.  Maar ons dank God dat Hy aan ons die oorwinning gee deur ons Here Jesus Christus.”

Paulus praat hier van ‘n onderwerp waaroor mense nie baie wil praat nie: die dood.  Die dood was nooit bestem vir die mens nie. Na die sondeval moes God die dood instel, want anders sou die mens vir altyd in sonde gelewe het. Hier in 1 Korintiërs 15:55 vra Paulus: “Dood, waar is jou oorwinning? Dood, waar is jou angel?” Dan sê hy: Die angel van die dood is die sonde, en die sonde kry sy krag uit die wet van God.

Dit herinner ons maar net weer waar die dood ingetree het, dan voel dit soos ‘n angel wat steek en die verskriklike pyn en verdriet wat die mens ervaar en jy voel jy het die stryd verloor. Dit word baie keer erger die feit dat die persoon nie met die Here kennis gemaak het nie. Dan skreeu ‘n mens in die pyn en hartseer uit: “Doderyk waar is jou oorwinning?

Romeine 6:23 verklaar: “Want die loon van die sonde is die dood, maar die genadegawe van God is die ewige lewe in Christus Jesus, onse Here. Dan sê Paulus: ”Maar ons dank God dat Hy aan ons die oorwinning gee deur ons Here Jesus Christus.”  Daarom dieselfde krag wat Christus Jesus uit die dood uit opgewek het, is in ons sterflike liggaam. Daarom sê Jesus: Ek maak julle meer as oorwinnaars.

Vrede / Shalom

Spreuke 21:31:  #Oorwinning

“Perde kan afgerig word vir oorlog, maar dit is die Here wat die oorwinning gee.”

Hierdie skrifgedeelte kan ‘n mens op verskillende maniere benader, want ‘n mens moet die moontlike doen, dan doen God die onmoontlike. Dit hang af waar die klem val.  Met ander woorde, waar dit meer beklemtoon word; dit wat jy as mens gedoen het of dit wat God geonderneem het.  In Matteus 9 vanaf vers 27 het Jesus twee blindes se oë geopen, maar voordat dit kon gebeur moes hulle Hom volg en uitroep na Hom. Hul hulpkreet het Sy ore bereik en hulle het die moontlike gedoen, maar in die proses het hulle, hul vertroue op die Seun van God geplaas. Daarom het Jesus hulle die oorwinning gegee deur hulle te laat sien.

In Spreuke 21:31 sê Salomo: “Die perd word reggemaak vir die dag van die geveg”. Dit was die norm in die ou dae en jou sterkte was as’t ware gemeet aan hoeveel perdekrag jy gehad het. Baie konings het hul hoop en vertroue op die perde geplaas, hulle het dus op die arm van vlees vertrou.  Jeremia 17:5 verklaar: “Vervloek is die man wat op die mens vertrou en vlees sy arm maak, terwyl sy hart van die Here afwyk”.  Ons afhanklikheid moet van die Here wees.  Daarom moet ons God vertrou met ons hele hart en siel en die moontlike doen sodat God die onmoontlike kan doen, soos die skrif sê: “…maar die oorwinning is deur die Hand van die Here.”

Vrede / Shalom