Month: September 2019

W E R K V E R S K A F F I N G
D I N S D A G   1 0  S E P T E M B E R    2 0 1 9

Die Werkverskaffingsbulletin word elke Dinsdag om 10h40 uitgesaai op 104fm.

Poste moet asseblief teen Maandae 11:00 gestuur word na reception@104fm.co.za

 Radio Tygerberg 104fm bied ’n gratis platform vir werkgewers om beskikbare poste te adverteer. Ons probeer so ver moontlik verseker dat die werksgeleenthede wat geadverteer word, betroubare inligting deurgee. Neem kennis dat Radio Tygerberg 104fm nie verantwoordelikheid aanvaar vir enige skakeling, onderhandelings of enige ander legitieme sake tussen betrokke partye wat mag voortspruit op hierdie platform nie.

G E M E E N S K A P S N U U S
D I N S D A G   1 0  S E P T E M B E R   2 0 1 9

10 SEPTEMBER 2019

Kolossense 2:6-7:  #Groei

“Aangesien julle dan Christus Jesus as Here aangeneem het, moet julle in verbondenheid met Hom lewe, in Hom gewortel en op Hom gebou, vas in die geloof soos julle geleer is, en met dankbaarheid gevul.”

Hierdie skrifgedeelte laat my altyd dink aan wat Jesus gesê het in Johannes 15:2 “Elke loot wat in my nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra.” Daarom sê Jesus in vers 4: “Bly in My, soos Ek in julle.” Wanneer ons in Hom is, in Hom wandel, met ander woorde, die Woord in my en ek in die Woord, dan word ons gewortel en opgebou in Hom. Ons is dus geanker in Hom om tot hoër hoogtes te groei. Daarom wanneer ons Hom aangeneem het, word ons geloof versterk en ons het die volle wapenrusting van God aan, dan kan ons staande bly teen die aanslae van die vyand.

Wanneer ons in Christus Jesus wandel, met ons oog gevestig op Jesus, ons Leidsman en Voleinder van ons geloof, dan vind daar diep innerlike groei plaas wat elke gelowige tot ‘n geestelike volwassenheid bring. Daarom moet ons bewus wees dat groei gaan gepaard met verandering en dit is nie altyd lekker nie, want dit kan pynlik wees, maar as ons, ons geloof in God geplaas het, word ons dankbaarheid oorvloediger.

Vrede / Shalom

9 SEPTEMBER 2019

Lukas 8: 14-15:  #Groei

“Die saad wat tussen die onkruid val, dui op dié wat die Woord hoor, maar deur die sorge en die rykdom en die genietinge van die lewe word dit gaandeweg verstik, en dit skiet nie saad nie.  Die deel wat in goeie grond val dui op dié wat die Woord met ‘n goeie en opregte hart hoor en dit bewaar en deur volharding vrug dra.”

Hier het Jesus die gelykenis van die saaier aan die groot menigte uit die verskillende stede vertel. Hier beeld Jesus uit hoe die saad op verskillende plekke val en hoe die reaksie is. Elke saaier, glo ek, sal wil sien dat die saad wat hy gesaai het, op moet kom en groei en die vrug voortbring.

Verskillende oppervlakke lewer verskillende resultate. Lukas 8:14 verklaar dat die saad wat tussen die dorings geval het, het opgekom, maar dit het verstik. Dit het die saad dood gedruk en tot vandag toe verstik die sorge van die lewe, rykdom en genietinge van die lewe die groei van die geestelike lewe. Daarom moet ons seker maak dat die grond goed voorberei word vir die saad om te groei.

Die saad wat in die goeie grond gesaai was het opgekom en goeie vrug opgelewer. In elke mens se lewe is die potensiaal om baie vrug te kan dra, daarom moet ons die grond gereed maak, sodat wanneer die goeie saad gesaai word, dit verder kan groei.

Vrede / Shalom

K E R K N U U S
S O N D A G   8  S E P T E M B E R   2 0 1 9

A L L E S   E N   N O G   W A T

S A T E R D A G   0 7  S E P T E M B E R     2 0 1 9

6 SEPTEMBER 2019

Deuteronomium 20:4:  #Oorwinning

“Die Here julle God gaan saam met julle om vir julle teen julle vyande te veg, om julle die oorwinning te laat behaal.”

Dawid sê in 2 Samuel 22:30: “Want met U loop ek ‘n bende storm, met my God spring ek oor ‘n muur.” Dawid het geweet waarvan hy praat, want toe hy in benoudheid was, het die Here hom daaruit gehelp. In Deuteronomium 20:4 spreek die priester met die volk Israel, wat op die punt staan om te gaan veg: “Want dit is die Here julle God wat saam met julle trek om vir julle te stry teen julle vyande, om aan julle die oorwinning te gee” – 1933-53 vertaling.

Die aanslag vandag is baie hewig teen die gelowiges, want Johannes 10:10 verklaar: “Die dief kom net om te steel en te slag en te verwoes. Ek het gekom dat hulle lewe en oorvloed kan hê.” Sonder die Here is alles te vergeefs, want Hy stry vir ons, Hy gaan saam met ons om vir ons die oorwinning te gee. Eksodus 14:14 sê: “Die Here sal vir julle stry, en julle moet stil wees.” God is getrou, Hy is nie ‘n mens dat Hy sal lieg nie, want gister, vandag tot in alle ewigheid is Hy dieselfde.  Hy maak ons meer as oorwinnaars.

Vrede / Shalom

5 SEPTEMBER 2019

Psalm 3:8:  #Oorwinning

“Ek is nie bang vir tienduisend mense wat van alle kante af op my toesak nie.  Kom tog, Here, help my, my God! U het nog altyd my vyande se mag verbreek.  U het die aanval van die goddeloses afgeslaan.”

Hierdie Psalm was geskryf toe Dawid vir sy seun Absolom gevlug het. Dit was ‘n môrelied, ‘n uitroep want van God is sy oorwinning. Alhoewel baie teenstaanders teen hom opgestaan het, baie het vir hom gesê dat by die Here is daar geen heil nie, nogtans het Dawid die Here aangeroep. In Psalm 3:4 sê hy: “Maar U, Here, is ‘n skild wat my beskut, my eer en die een wat my hoof ophef.”

Baie kere, selfs in vandag se lewe, voel ons magteloos wanneer ons deur ons eie familie teëgestaan word, maar wanneer ons, ons vertroue in die Here plaas, kom God en gee  gemoedsrus, daardie vrede wat alle verstand te bowe gaan.  Psalm 3:6 verklaar: “Ek het gaan lê en aan die slaap geraak; ek het wakker geword, want die Here het my ondersteun.” Daarom sê die Woord van die Here ook in Spreuke 3:6 “Ken My in al jou weë, en Ek sal jou paaie gelyk maak.” In die 1933-53 vertaling sê die skrif: “Staan op Here, verlos my, my God!” Dit is net God wat ons daardie totale oorwinning kan gee.

Vrede / Shalom

Dit is lente. Vir talle mense is hierdie seisoen een groot kopseer. Letterlik. Wanneer die winter sy vaal baadjie afskud en die lentebloeisels begin om kaal takke in ligte groen en wit te tooi, begin ‘n groot gedeelte van mense sneesdoekies, neusspuite, antihistamien uitruk. 

As jy “allergies is vir alles” sal jy die gevoel ken want alles jeuk. Van jou neus, jou ore, jou keel,  jou kopvel en selfs jou nek tot  oë wat traan en ‘n keel wat toetrek of ‘n lastige kuggie of snuifneus wat jou wange in enige ander seisoen rooi van skaamte sou laat.

Volgens die Allergy Foundation of South Africa sal een derde van Suid-Afrikaners op een stadium in hul lewe met allergieë worstel. Hiervan is 40% kinders. Dit sluit alles van hooikoors, ekseem, asma en kosallergieë in.

Lorrein Katzke het in haar program Gesondheidsake die volgende uitgelig:

Die belangrikste en algemeenste allergene (dinge wat hooikoors veroorsaak) sluit in:

• Grassade van veral hawer, lenteblomme, lang swenkgras, kamgras, en weigras
• Stuifmeel van bome veral die eik, die olyf, bloekom, akasia, vlierboom, esdoring, elsboom, berkehout, okkerneuthout, haselneut, seder, sipres, essenhout, populier, wilg, en elm
• Onkruid-stuifmeel veral van kruiskruid, boksuring, brandnetel, muurkruid, meelpiesang en wildesuring
• Swamspore
• Huismyt
• Sigaretrook
• Medisyne-allergieë veral teen penisillien en amoksilien antibiotika
• Bysteek
• Kakkerlakke
• Parasiete: spoelwurms (veral in Wes-Kaap) en bilharzia (veral in die noorde van Suid-Afrika)
• Kossoorte: 90 persent van alle voedselallergieë word deur agt kossoorte veroorsaak – grondboontjies, melk, eiers, koring, soja, neute van bome, vis en skulpvis
• Sekere diere: Kat- en hondevel, -urine en speeksel. Ook dié van rotte, muise, voëls, eende, ganse, koeie, hase, hamsters en marmotte
• Antihistamienmddels kan allergieë en hooikoors in bedwang bring en asma moet te alle tye uiters goed met asmamiddels beheer en nooit onderskat word nie. Voorkoming is egter die beste behandeling.

As jy dus nie ‘n allergielyer is nie, wees genadig met die wat nies, hoes en proes wanneer hulle met ‘n bos blomme bederf word!

GESONDHEIDSFOKUS WORD ELKE DINSDAG OM 14:00 DEUR LORREIN KATZKE IN #KUIERTYD AANGEBIED EN MET TROTS GEBORG DEUR IMMUNADUE.

1 Johannes 5:4-5:  #Oorwinning

“Enigeen wat ‘n kind van God is, kan die sondige wêreld oorwin.  En die oorwinning wat ons oor die wêreld behaal het, is deur ons geloof.  Wie anders is dit wat die wêreld oorwin as hy wat glo dat Jesus die Seun van God is?”

Geen mens wil ‘n verloorder wees nie, want in die eerste plek is ons gebore wenners in Christus. In Markus 10:14b sê Jesus: “Laat die kindertjies na My toe kom, want aan sulkes behoort die Koninkryk van God.” Dit is duidelik dat Johannes 1:12-13 verklaar: “Almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo; wat nie uit die bloed of uit die vlees of uit die wil van ‘n man nie, maar uit God gebore is.”

Ons oorwinning lê dus in ons geloof, om te glo dat Hy die Seun van God is, wat in die wêreld gekom het om te red en verlos die wat verlore is. Jesus sê in Johannes 16:33 “In die wêreld sal julle verdrukking hê; maar hou goeie moed, Ek het die wêreld oorwin.” Daarom sê die Woord van die Here in 1 Johannes 5:4 “Want alles wat uit God gebore is, oorwin die wêreld….” Want niks kan stand hou voor die krag van die Here nie.  Ons geloof in die Here maak ons dus meer as oorwinnaars. Openbaring 12:11 verklaar: “En hulle het oorwin deur die bloed van die Lam en deur die Woord van hulle getuienis en hulle het tot die dood toe hulle lewe nie liefgehad nie.”

Vrede / Shalom