Month: November 2019

1 Korintiërs 15:51:  #Verborgenheid  

“Kyk, ek maak ‘n geheimenis aan julle bekend:  Ons sal nie almal sterwe nie, maar ons sal almal verander word.”

Wanneer ons die briewe lees wat Aposel Paulus aan die Korintiërs geskryf het, word ons bewus van die baie vraagstukke waarmee die Korintiërs mee geworstel het.

Een van hulle was: Wat gebeur met die mens wat nog in die lewe is en hulle wat reeds oorlede is as Jesus weer kom? Dit is diep verborgenhede wat die menslike verstand nie kan uit redeneer nie. Apostel Paulus was ‘n man wat weggeruk is tot in die derde hemel. God het voor dit ‘n ontmoeting met om gehad op die Damaskuspad. God sou hom gebruik om die verborgenheid te openbaar.

In 1 Korintiërs 15:51 sê Paulus: “Kyk, ek maak ‘n geheimenis aan julle bekend:  Ons sal nie almal sterwe nie, maar ons sal almal verander word.” Die Woord verklaar dat ons wat in die lewe is, die dode hoegenaamd nie voorsal wees nie, want hulle sal eerste opstaan. Vlees en bloed kan die koninkryk nie ingaan nie, daarom sal ons verander in ‘n oomblik om in lyn te kom met die vereistes om in die koninkryk van God in te kan gaan.

Vrede / Shalom

G E M E E N S K A P S N U U S
D I N S D A G   0 5  N O V E M B E R   2 0 1 9

W E R K V E R S K A F F I N G
D I N S D A G   0 5  N O V E M B E R    2 0 1 9

Die Werkverskaffingsbulletin word elke Dinsdag om 10h40 uitgesaai op 104fm.

Poste moet asseblief teen Maandae 11:00 gestuur word na reception@104fm.co.za

Radio Tygerberg 104fm bied ’n gratis platform vir werkgewers om beskikbare poste te adverteer. Ons probeer so ver moontlik verseker dat die werksgeleenthede wat geadverteer word, betroubare inligting deurgee.Neem kennis dat Radio Tygerberg 104fm nie verantwoordelikheid aanvaar vir enige skakeling, onderhandelings of enige ander legitieme sake tussen betrokke partye wat mag voortspruit op hierdie platform nie.

Matteus 13:10-11:  #Verborgenheid  

“Die dissipels het vir Jesus kom vra:  “Hoekom gebruik U gelykenisse as U met die mense praat?”  Hy het hulle geantwoord: “Aan julle is dit gegee om die geheime van die koninkryk van die hemel te ken, maar aan hulle is dit nie gegee nie.”

Hier in die hart van die dissipels het ‘n bekommernis ontstaan, want elke keer praat die Here in gelykenisse met die skare, want menigte skare het Jesus gevolg feitlik ooral waar Hy gegaan het om te luister na die wysheid van die Here se gelykenisse sodat hulle kan verstaan. Toe die dissipels na Jesus kom en hulle bekommernis bekend maak, het Hy hulle met die woorde geantwoord: “Aan julle is dit gegee om die geheime van die koninkryk van die hemel te ken, maar aan hulle is dit nie gegee nie.”

Hier word die dissipels bewus gemaak, die feit dat hulle alles gelos en vir Jesus gevolg het, het hulle die Gees van aanneming ontvang en so ook die verborgenheid met ander woorde die Gees wat die dieptes kan peil en openbaar.  Verborgenhede wat die wêreld nie kan ontvang nie. Daarom is dit baie belangrik vir elke gelowige om te weet wat God vir hom gegee het.

Vrede / Shalom

1 Korintiërs 2:7 #Verborgenheid  

“Wat ons verkondig, is die wysheid van God, verborge waarheid wat bedek was en wat God van ewigheid af vir ons voorbestem het tot ons ewige heerlikheid.”

Die Bybel verklaar dat die letter dood is, maar die Gees maak dit lewendig. In hierdie hoofstuk bring Apostel Paulus die verskil tussen die wysheid van die wêreld en die wysheid van God na vore. Vers 5 verklaar: “Sodat julle geloof nie in wysheid van die mense sou bestaan nie, maar in die krag van God.”

Die wysheid van die wêreld gaan verby, dit gaan tot niet, dit duur tot ‘n sekere tyd, dan verdwyn dit, want elke dag word iets nuuts ontdek. Maar Paulus spreek in 1 Korintiërs 2:7: “Wat ons verkondig, is die wysheid van God, verborge waarheid wat bedek was en wat God van ewigheid af vir ons voorbestem het tot ons ewige heerlikheid.”

Die wysheid van God bring dus dit wat bedek was, dit wat verborge was, in die openbaar.  Met ander woorde dit wat die wêreld nie ken nie, om ons as Sy kinders te versterk. Daarom sê die Woord: “   tot ons heerlikheid.” Daarom moet ons die Here aanbid met ons hele verstand en alles wat in ons is, want Hy wil Sy verborgenheid aan ons openbaar.  Apostel Paulus skryf in die negende vers: “Wat die oog nie gesien en die oor nie gehoor en in die hart van die mens nie opgekom het nie, wat God berei het vir die wat Hom liefhet.”

Vrede / Shalom

Eksodus 15:2:  #Sing                                                                        

“Die Here is my krag en my psalm, en Hy het my tot heil geword.  Hy is my God, Hom sal ek roem; die God van my vader, Homs al ek verhef.”

In Eksodus 14 lees ons van een van die wonderlikste wonderwerke wat God gedoen het. Moses en die Israeliete word vervolg deur Farao en die Egiptenare en in hulle poging om te vlug stop hulle voor die Rooisee en het hulle nêrens om heen te gaan nie. In ‘n oomblik word hulle vreesagtig en is hulle bang, maar God gee hulle bevel om nie te vrees nie.  Later praat die Here met Moses en soos Moses sy kierrie oor die see uitgesteek het, het die Here die see oopgekloof sodat die Israeliete op droë grond deurbeweeg. Toe Farao en die Egiptenare later deur die droë see wou deurbeweeg het die water weer teruggekeer na normaal en in die proses is almal dood en het God verlossing gebring aan Sy volk.

In Eksodus 15, na die oorwinning, besluit Moses om eer te bring aan die Here en sing hy ‘n lied tot eer van die Here. Deel van hierdie lied was die woorde van Eksodus 15:2: “Die Here is my krag en my psalm, en Hy het my tot heil geword. Hy is my God, Hom sal ek roem; die God van my vader, Hom sal ek verhef.” Wat so mooi is van hierdie skrif is die feit dat God oorwinning bring aan Moses en die volk, maar dat hulle dan dadelik ‘n loflied aan God #sing.  Hierdie skrifgedeelte herinner ons dat ons lof moet bring aan God vir alles wat Hy vir ons doen. Hoeveel bid ons nie oor ‘n situasie nie en ons vertrou die Here vir deurbraak, wonderwerke en verandering, maar die oomblik as dit realiseer laat ons na om Hom te dank daarvoor en om eer en lof aan Hom te bring. Mag ons die gewoonte aanleer om na elke mylpaal, na elke oorwinning en na elke deurbraak te stop en aan God ‘n loflied te #sing wat eer bring aan Hom.

Neem vandag en dink aan geleenthede waar jy dalk nagelaat het om dankie te sê, en eer en lof aan God te bring soos ‘n vriend van God.

Van jou vriende,

Wayne & Chantelle