Month: May 2019

Psalm 30:5:  #Storms

10 MEI 2019

“Psalmsing tot eer van die Here, o sy gunsgenote, en loof sy heilige gedenknaam.”

Dawid sê in vers 4: “Here, U het my siel uit die doderyk laat opkom; U het my lewend gemaak uit die wat in die kuil neerdaal.” In Psalm 18:5-6 verklaar Dawid: “Bande van die dood het my omring, strome van onheil het my oorval. Bande van die doderyk was rondom my, strikke van die dood het my teëgekom.”

Daarom sê Dawid sal hy: Psalmsing tot eer van die Here, o sy gunsgenote, en loof Sy heilige gedenknaam……” Wanneer ons dink aan al die kere wat ons al moes omgekom het, en ons amper by die dood omgedraai het, besef ons dit is net die genade van die Here wat ons tot hiertoe gedra het.

Klaagliedere 3:22-23 sê: “Dit is die goedertierenhede van die Here dat ons nog nie omgekom het nie, want Sy barmhartighede het geen einde nie; hulle is elke môre nuut, U trou is groot. Ons as gunsgenote kan net die Here loof en prys vir die Here gee.

Vrede / Shalom

Matteus 8:26:  #Storms

8 MEI 2019

“En Hy sê vir hulle: Waarom is julle bang, kleingelowiges? Toe staan Hy op en bestraf die winde en die see, en daar het ‘n groot stilte gekom.”

Dit maak nie saak wie jy is of wat jy doen nie.  Daar sal een of ander tyd ‘n storm in ons lewe kom – veral in die oorgangslewe uit die donker tot in die wonderbare lig want die dissipels het oorgevaar. Die dissipels het vir Jesus saamgeneem toe hulle oorgevaar het.  Min het hulle geweet dat daar ‘n groot storm op die see sal kom. Die Woord verklaar, dat die storm so erg geraak het dat die boot amper vol water geraak het, soveel so dat dit sou sink! Maar êrens op die boot lê Jesus en slaap. In hulle benoudheid het hulle Hom wakker gemaak en hom gevra: “Gee U nie om dat ons vergaan nie?”  En Hy sê vir hulle: “Waarom is julle bang, kleingelowiges?”

In ons geestelike lewe gebeur dieselfde dinge.  Storms kom ons kant toe, ons geestelike lewe word bedreig, angs en benoudheid oorval jou. Toe Moses die Here aanroep vra God vir hom wat hy in sy hand het. Baie keer het ons die oplossing in ons hand. Baie keer vra Jesus vir ons waarom ons bang is, want met die staf het Moses die see gekloof.  Jesus het die outoriteit om elke storm in ons lewe stil te maak. Geen situasie is te groot vir onse God nie. Jesus het die winde en die see bestraf en daar het ‘n doodse stilte gekom, want die dissiples het gedink wat vir ‘n man is die dat selfs die wind en die see Hom gehoorsaam is?

Hy is nog dieselfde Jesus wat die storm in ons lewe kan stilmaak.

Vrede / Shalom

W E R K V E R S K A F F I N G
D I N S D A G   0 7  M E I    2 0 1 9

Die Werkverskaffingsbulletin word elke Dinsdag om 10h40 uitgesaai op 104fm.

Poste moet asseblief teen Maandae 11:00 gestuur word na reception@104fm.co.za

G E M E E N S K A P S N U U S
D I N S D A G   0 7  M E I   2 0 1 9

Jesaja 25: 3-4:  #Storms

7 MEI 2019

“Daarom sal ‘n magtige volk U eer, die vesting van tirannieke nasies U vrees. Want U was ‘n vesting vir die arme, ‘n vesting vir die behoeftige toe hy benoud was, ‘n skuilplek teen die stortreën, ‘n skaduwee teen die hitte – want die geblaas van die tiranne is soos ‘n stortreën teen ‘n muur.”

Wanneer ons in die 1953 vertaling lees, dan begin die hoofstuk met die opskrif: “Die Triomf” met ander woorde: Die oorwinning, “…omdat die Here is my God, want Hy het van ‘n stad ‘n hoop klippe gemaak…” Nasies sal Hom eer en die tirannieke nasies sal die Here vrees, want die Here was ‘n vesting vir die arme, ‘n vesting vir die behoeftige toe hy benoud was, ‘n skuilplek teen die stortreën en ‘n skaduwee teen die hitte.

Wanneer ons die Here vrees en aanbid sal Hy ons beskut teen die storms van die lewe. Vir die arme is Hy ‘n skuilplek, die Woord sê: Die regverdige hardloop daarin en word beskut. Filippense 4:4 verklaar: “Verbly julle altyd in die Here, Ek herhaal: Verbly julle.”

Jou blydskap is jou beskutting teen die storms van die lewe wat jou wil bedreig.  Psalm 91 se opskrif lui: In die beskerming van die Almagtige, vers 1 verklaar: “Hy wat in die skuilplek van die Allerhoogste sit, sal vernag in die skaduwee van die Almagtige en vers nege sê: “Want U, Here, is my toevlug. Die Allerhoogste het jy jou beskutting gemaak.”

Vrede / Shalom

Jesaja 4:6:  #Storms

6 MEI 2019

“En daar sal ‘n afdak wees vir ‘n skaduwee bedags teen die hitte en vir ‘n skuilplek en toevlug teen die stortbui en die reën.”

Die Nuwe Lewende Vertaling (NLV) sê: “Dit sal skuilplek bied teen die hitte van die dag en teen storms en reën.” Met die klimaatsverandering is daar soms abnormale klimaatsverskynsels, waarvoor ‘n mens voorbereid en bedag moet wees.  Psalm 121:6 verklaar: “Die son sal jou bedags nie steek nie, die maan ook nie by nag nie.” Want Jesaja 4:5b sê: “Sy magtige heerlikheid sal alles beskerm (NLV). Dit bied ‘n afdak met ander woorde ‘n skuilplek, sodat ‘n mens veilig kan wees teen die storm.

In die lewe van elke mens is daar storms wat ‘n mens se geestelike lewe bedreig. Die Woord sê dat die dassie is nie ‘n magtige nasie nie, maar wanneer die storm kom hardloop hulle in die rots vir beskutting. So kan ons leer van die dassie, want net so is dit in ons geestlike lewe. Wanneer die storms ons lewe bedreig kan ons hardloop na die Rots van die eeue, naamlik Jesus vir die beskerming, want Hy is ons Bergvesting.

Vrede / Shalom

K E R K N U U S
S O N D A G   0 5  M E I   2 0 1 9

A L L E S   E N   N O G   W A T

S A T E R D A G   0 4  M E I     2 0 1 9

Kolossense 2:8:  #Onderskeiding

3 MEI 2019

“Wees versigtig dat niemand julle beroof deur filosofieë en leë misleiding volgens die leringe van mense en volgens die beginsels van die wêreld en nie volgens die Gesalfde Een nie.”

Paulus waarsku die volk van Kolossense om versigtig en op hul hoede te wees, want misleiding was reeds daardie tyd aan die orde van die dag. Hulle moes oppas dat hulle nie as buit weggevoer word deur die wysbegeertes en nietige misleiding nie.

Daarom behoort elke gelowige die gees van onderskeiding te hê, om sodoende te onderskei wat die planne van die vyand is, want hy kom met die oorleweringe van die ou mense en die eerste beginsels van die wêreld vorendag om jou van jou staanplek af te ruk.

Wanneer ons nugter en waaksaam is, sal ons weet wat is die wil van God vir ons lewe, ons sal dan wandel in die plan van die Here ongeag die aanslag van die bose. Daarom moet ons altyd God se aangesig soek, sodat Sy wil in ons lewe kan geskied.

Vrede / Shalom

Agter met die wit hemp is Mike en Gerrie. Middel v.l.n.r. is Francois, Eunice, Elize, Surita en Herschelle en voor is Veronique.

Deur Adrie Jurgensen

Wanneer ‘n huis te klein raak vir ‘n gesin is dit tyd om uit te breek, aan te bou en ‘n paar meubelstukke rond te skuif! So is dit ook by Radio Tygerberg 104fm. Ons is besig om ons huis spreekwoordelik groter te maak, ‘n nuwe lagie verf te gee en om ‘n paar meubelstukke rond te skuif!

Luisteraars word nou vroeg-oggend met Elize Parker se stem op lug wakker as deel van #Oggendrooi. Elize, ‘n ervare joernalis met meer as 20 jaar se ervaring in drukmedia, radio en TV staan aan die hoof van ons Nuusafdeling. Elize is nie net ‘n gesoute joernalis en radiostem nie, sy is ook ‘n bekende skrywer van dagstukkies en liefdesverhale asook ‘n gewilde motiveringspreker by veral vroue-oggende.

Aan Elize se sy is die dinamiese Veronique Serfontein en sy neem vanaf 13:00 – 18:00 oor om vir jou die jongste nuus te bring. Veronique wat daagliks vanaf die Paarl pendel is geen vreemdeling as dit by radio kom nie, en werk reeds nege jaar by gemeenskapstasies in die Wes-Kaap. Haar tegniese vaardighede is ‘n reuse aanwins vir die span en sy en #HuisToe se Reinhard Kotze vul mekaar goed aan weeksdae voordat sy laatmiddag haar eie reis huis toe aanpak.

#Oggendrooi se borrelende Eunice Stoltz is ook geensins vir Radio Tygerberg 104fm verlore nie! Sy is bevorder tot Skakelbeampte. Met haar passie vir goeienuus-stories, haar vermoë om (met moeite!) Anton Brink altyd te laat wen tydens die Bybelvasvra, haar sin vir nuus en humor, haar deursettings- en organisasievermoëns en haar liefde vir Jesus was sy die logiese keuse vir dié dinamiese pos.

Die bedieningsafdeling is nou uitgebrei na ‘n voltydse pos en ons verwelkom Surita Cowley as hoof van berading. Surita sal ook ons gebedspan lei en is verantwoordelik vir ons Pledge wat eersdaags afskop. Surita is die skrywer van twee boeke wat oor bediening handel en het reeds verskeie werkswinkels oor die onderwerp aangebied.

Op Sondae is twee nuwe stemme op lug. Laerskool-juffrou Gerrie Smith leer gedurende die week die kleinspan by ‘n plaaslike laerskool en op ‘n Sondag is sy van 11:00 tot 13:00 programaanbieder op Radio Tygerberg 104fm. Mike Potgieter skuif skuins voor 17:00 agter die mikrofoon in en hou ons luisteraars geselskap tot 19:00.

Om te verseker dat alles agter die skerms en by ons buite-uitstendings glad verloop is ons tegniese span uitgebrei met die aanstelling van Herschelle Lewis en Francois Fourie. Beide is ook betrokke by RoepTV.com en dus geen vreemdelinge by die 104fm-familie nie!

Radio Tygerberg 104fm is opgewonde oor die veranderinge wat ons gemaak het om ons “huis” te vergroot en ons visie – om alle mense te inspireer en impakteer met die verlossingskrag van die evangelie van Jesus Christus – verder uit te bou.

Lees meer oor al ons omroepers en agter-die-skerm personeel op ons webblad onder WIE IS ONS.